Disfunksioni erektil, është një problem mjaft i përhapur seksual tek meshkujt, duke prekur thuajse gjysmën e tyre në moshë 40-70 vjeç.
Sipas studiuesve, ky lloj problemi shpesh është edhe simptomë e sëmundjeve të zakonshme si diabeti dhe sëmundjet e zemrës. Pra, për këdo që çrregullimi i ka trokitur në derë dhe nuk dëshiron të përdorë pilulën e famshme blu apo të tjera, ata mund të rikthejnë ereksionin si një alternativë… edhe nëse duhet të djersiten pak më shumë.
Siç theksoi studiuesi kryesor Dr. Larry E. Miller, studimi ofron provat e nevojshme për mjekët dhe pacientët që ta bëjnë ushtrimin fizik pjesë të planit të trajtimit, për çrregullimet e shpeshta seksuale.
Po aq efektive sa ilaçet
Studiuesit morën nga literatura shkencore 11 studime të rastësishme, të kontrolluara me një kampion total prej 1100 burrash, 600 në grupet eksperimentale që ushtroheshin mesatarisht 30 deri në 60 minuta, tre deri në pesë herë në javë dhe 500 burra në grupet e kontrollit, pa ndërhyrjen e ushtrimeve fizike.
Rishikimi tregoi se sa më i madh të jetë ashpërsia e mosfunksionimit erektil, aq më të forta janë përfitimet e stërvitjes, duke arritur një përmirësim të ereksionit prej 5 pikësh në një shkallë të standardizuar prej 6 deri në 30.
Për burrat me mosfunksionim të lehtë dhe të moderuar, përmirësimet përkatëse ishin 2 dhe 3 notat.
Rezultatet ishin të krahasueshme me ato të frenuesve të Fosfodiesterazës-5 (PDE-5), një klasë e barnave për mosfunksionimin erektil që përfshin sildenafil dhe tadalafil, të cilat arritën një përmirësim prej 4 deri në 8 pikë. Terapia e zëvendësimit të testosteronit, nga ana tjetër, u shoqërua me një përmirësim prej 2 njësive.
Studiuesit kanë treguar se burrat me disfunksion erektil më të rëndë panë përmirësime më të mëdha me ushtrime, në nivele të ngjashme me ato që shihen te burrat që merrnin barna të tilla si sildenafil.
Mosfunksionimi erektil shpesh i atribuohet faktorëve që fajësohen për sëmundjet kardiovaskulare, të tilla si inflamacioni, ngushtimi i arterieve (mosfunksionimi endotelial) dhe ateroskleroza .
Disa komente nga urologët që nuk morën pjesë në studim u rrotulluan rreth marrëdhënies së mësipërme, duke vënë në dukje rolin e disfunksionit erektil si një shënues i shëndetit kardiovaskular, i cili shpjegon pjesërisht efektin pozitiv të ushtrimeve aerobike, por edhe rëndësinë e një zgjidhjeje konvencionale terapeutike për meshkujt që kanë vështirësi me mjekimin për shkak të efekteve anësore si dhimbja e kokës, urthi, vjellja, ndezjet e nxehta dhe mialgjitë.